Լրացուցիչ ծառայություններ

Ընդհանուր հոսթինգը ծառայություն է, որի միջոցով ստեղծում են վեբ կայքեր՝ դրանք տեղակայելով առցանց սերվերների վրա: Այս հոսթինգի պարագայում բազմաթիվ վեբ կայքեր սպասարկվում են մեկ սերվերի կողմից: Փոքրամասշտաբ նախագծերի իրականացման համար սա ամենաարդյունավետ հոսթինգի տեսակն է:

Ընդհանուր հոսթինգի ժամանակ հասանելի են հետեևյալ տեխնոլոգիաները.

• Apache/NGINX
• MySQL տվյալների բազայի սերվեր
• PHP
• Server Side Includes (SSI)

Ընդհանուր հոսթինգից օգտվելու դեպքում հասանելի են ծառայությունների հետևյալ տեսակները.

Վեբ հոսթինգ, որի միջոցով կարող եք տեղակայել վեբ կայքերը սերվերի վրա և ունենալ դրանց կառավարման հնարավորություն:

Փոստային ծառայություն, որը

• զուրկ է գովազդային պաստառներից
• ունի սպամ-նամակներից որոշակի պաշտպանվածություն
• ունի մեկ կամ մի քանի դոմենային անվանում
• աշխատում է առավել տարածված արձանագրություններով (SMTP, IMAP, Pop3)
• ապահովում է մասնավոր փոստային համակարգի աշխատանքը

DNS ծառայություն, որը տրամադրում է դոմենային անվանումների գրանցման և պահպանման համակարգ:

Արխիվացում/Վերականգնում ծառայություն, որի միջոցով հնարավոր է արխիվացնել և վերականգնել Ձեր ֆայլերը:

Գրանցամատյանների վերլուծություն, որի շնորհիվ համակարգվում և վերլուծվում է կայքի այցելությունների վիճակագրությունը:

Ընդհանուր հոսթինգի կամ վիրտուալ հոսթինգի առավելությունները.

Վիրտուալ հոսթինգից օգտվելիս կարող եք խնայել զգալի գումար, քանի որ այս դեպքում պրովայդերն է կազմակերպում թանկարժեք սերվերային սարքավորումների շուրջօրյա սպասարկումը: Բացի այդ, նա պատասխանատու է նաև ծրագրային ապահովման կարգաբերման, դրա  կանոնավոր թարմացման, ինչպես նաև համացանցի հետ մշտական կապն ապահովելու համար:

Հոսթինգի հետ աշխատանքը չի նախատեսում հատուկ հմտությունների առկայություն: Հոսթինգի կառավարումն իրականացվում է բազմալեզու ինտերֆեյսով հարմարավետ վահանակի շնորհիվ:

Ինտերֆեյսն ունի հետևյալ հնարավորությունները՝

• FTP արձանագրության միջոցով տվյալների փոխանակում
• կայք այցելությունների վիճակագրության պատկերում
• էլեկտրոնային փոստի և DNS ծառայության կոնֆիգուրացում

Ընդհանուր հոսթինգի կամ վիրտուալ հոսթինգի միջոցով դուք չեք կարող ինքնուրույն տեղադրել կամ փոխել ծրագրային ապահովումը: Ֆիզիկական ռեսուրսները (օպերատիվ հիշողություն, պրոցեսոր) տեղաբաշխվում են մի քանի հաճախորդների միջև: Դուք միանձնյա չեք տնօրինում սերվերի բոլոր ֆիզիկական ռեսուրսները, ինչպես օրինակ՝ առանձնացված սերվերի (VPS) դեպքում:

Ընդհանուր կամ վիրտուալ հոսթինգից օգտվելիս Դուք կառավարում եք Ձեզ հասանելի ծառայությունները հատուկ վեբ վահանակների միջոցով: Ucom-ը տրամադրում է երկու տարբեր պլատֆորմներ, համապատասխանաբար, cPanel և ISP Manager կառավարման վահանակներով:

Ամպային ծառայությունները հասանելի են ինչպես կորպորատիվ, այնպես էլ ֆիզիկական անձ հանդիսացող հաճախորդներին:

Կորպորատիվ  հաճախորդները կարող են միանալ ծառայություններին  զանգահարելով՝444 կամ ուղարկելով հարցում՝ hosting@ucom.am էլեկտրոնային հասցեին։ Կազմակերպությունները պետք է գրանված լինեն ՀՀ-ում։

Ֆիզիկական անձ հանդիսացող հաճախորդները կարող են գրանցվել առցանց՝ www.ucloudspace.am  կայքի միջոցով՝ պարզապես տրամադրելով անձնագիր և առցանց համաձայնություն տալով ծառայությունների դրույթների և պայմաններին։ Ֆիզիկական անձը պետք է հանդիսանա ՀՀ քաղաքացի։