Նորագույն տեխնոլոգիաներով կառուցված մեր ցանցը հնարավորություն է տալիս օպտիկական մանրաթելի միջոցով միանալ ինտերնետին մինչև 1000 Մբ/վ թողունակությամբ կապուղով: Արագությունը հասանելի է լարային միացմամբ: Wi-Fi միացման դեպքում տրամադրվող արագության վրա կարող են ազդել ցրող սարքի տեխնիկական հնարավորությունները, ինչպես նաև ընդունող սարքի Wi-Fi զգայունությունը և շրջակա Wi-Fi աղմուկը:
Նոր բաժանորդագրությունների դեպքում ծառայությունների միացումը կատարվում է պայմանագրի կնքումից և տեխնիկական հնարավորության հաստատումից հետո՝ առավելագույնը 10 աշխատանքային օրվա ընթացքում։Գործող բաժանորդների ծառայությունների վերաակտիվացումը կատարվում է համապատասխան դիմումի ներկայացումից կամ անհրաժեշտ վճարման իրականացումից հետո՝ դիմումի ներկայացման կամ վճարման իրականացման օրվան հաջորդող օրվա մինչև ժամը 23։59-ը, եթե սարքավորումն ու լարերը գտնվում են պատշաճ աշխատանքային վիճակում և բաժանորդի կողմից որևէ միջամտություն չի իրականացվել ։
Վճարումների ուշացման դեպքում փաթեթում ներառված ծառայությունները սահմանափակվում են մինչև պարտք եղած գումարի ամբողջական մարումը: Սահմանափակման ժամանակահատվածի համար փաթեթի ամսավճարը ենթակա է գանձման: Ձեր կողմից մինչև հաջորդ ամսվա 1-ը պարտքը չմարելու դեպքում Յուքոմն իրավունք ունի Ծառայությունն ամբողջությամբ կասեցնելու: Կասեցման ժամանակահատվածի համար ամսավճարներ չեն գանձվում: Կասեցման ժամանակահատվածում նախորդ ամիսների պարտքը (չվճարված ամսավճարները, առկա բացասական հաշվեկշիռը, ինչպես նաև ուշ վճարման համար սահմանված տույժերը) վճարելու դեպքում Ծառայությունը վերաակտիվանում է:
Ծառայության մատուցման հաշվարկային ժամանակահատվածը սկսվում է ծառայության փաստացի ակտիվացման պահից։ Ֆիքսված ծառայությունների դեպքում ակտիվացման պահ է համարվում տեխնիկական միացման աշխատանքների ավարտը և ծառայության վերջնական տրամադրումը բաժանորդին։ Ծառայությունը համարվում է ակտիվացված տեխնիկական մասնագետի այցի օրը կամ առավելագույնը 48 ժամվա ընթացքում՝ սարքավորումների հանձնման-ընդունման ակտի ստորագրման պահից՝ պայմանով, որ ծառայության հասանելիության հետ կապված այլ խնդիրներ առկա չեն։
Բաժանորդին հանձնված սարքավորումները երրորդ անձի կողմից վերադարձվելու դեպքում դրանք կընդունվեն Յուքոմի կողմից, իսկ Բաժանորդային պայմանագիրը կհամարվի լուծված։ Բաժանորդային Պայմանագրի լուծումը, անկախ դրա հիմքերից, չի ազատում Բաժանորդին մինչև լուծման պահը և դրա հետ կապված Յուքոմի հանդեպ ունեցած պարտավորությունների պատշաճ կատարումից, այդ թվում` պարտքը, բոլոր կիրառելի տույժերը, տուգանքները, հրաժարագինը կամ Բաժանորդային Պայմանագրով սահմանված այլ վճարները:
-webp(80)-o(png).webp?token=83544146107f1d0341162aa6236c6ecb)
-webp(80)-o(png).webp?token=5372c32f423c6a04592951e57a818c08)
-webp(80)-o(png).webp?token=bbb9fdc3859b907d72ccba0b00c09f8d)
-webp(80).png?token=1fe083848b1bfb11e9a8cd1b6cf46203)
google play market 
apple store 
