Տնօրինություն

Աստղիկ Սարգսյանը մարդկային ռեսուրսների (HR) ոլորտի 19 տարվա փորձունեցող մասնագետ է: Նրա կարիերան ներառում է՝ աշխատանք տեղեկատվական տեխնոլոգիաների, գեմբլինգի, բանկային, ապահովագրական և հեռահաղորդակցության ոլորտներում՝ բազմաթիվ նշանակալից նվաճումներով:  

Աստղիկը զբաղեցրել է ղեկավար բարձր պաշտոններ «ՍոֆթԿոնստրակտ»-ում, «Գալաքսի» ընկերությունների խմբում, ՎՏԲ բանկում և Ղազախստանի VEON HR HUB-ում՝ ղեկավարելով HR ռազմավարությունը, տաղանդների զարգացումը և կորպորատիվ մշակույթի նախաձեռնությունները: Նրա գործունեությունն ընդգրկել է 7 երկիր՝ Հայաստան, Վրաստան, Ղազախստան, Ուկրաինա, Տաջիկստան, Ուզբեկստան և Ղրղզստան: Կարիերան սկսել է որպես բիզնես դասախոս, ապա դարձել Հայաստանի Beeline-ի Կորպորատիվ համալսարանի ղեկավար:

Աստղիկը ստացել է հոգեբանության մասնագիտությամբ կրթություն Երևանի պետական համալսարանի համապատասխան ֆակուլտետում, ինչպես նաև Մոսկվայի Ստեղծագործական հոգեբանության ինստիտուտում։ Իր մասնագիտական հմտությունները նա լրացրել է Կիպրոսի Միջազգային Կառավարման Ինստիտուտում (CIIM)՝ որպես սերտիֆիկացված նախագծերի կառավարիչ, ինչպես նաև Մարդկային Ռեսուրսների Կառավարման և Զարգացման Չարթերային Ինստիտուտում (CIPD)։

Նրա մասնագիտական որակավորումներն ու ձեռքբերումներն ընդգրկում են․

• HRMP սերտիֆիկացում՝ HRCI-ի կողմից
• Միջազգային մաստեր-թրեյների սերտիֆիկացում՝ DOOR International-ի կողմից
• Դասախոս՝ մարդկային ռեսուրսների կառավարման և առաջնորդության ոլորտում
• Հայաստանի ՄՌ ասոցիացիայի վարչության անդամ
• «Սթրեսի կառավարում» վերապատրաստման ծրագրի հեղինակ
• «Քարտուղարական աշխատանք» գրքի հեղինակ
• «Լավագույն փորձի փոխանակում․ համագործակցային մշակույթներ» գրքի համահեղինակ
• Նեյրոգրաֆիայի սերտիֆիկացված դասընթացավար և էսթետիկ քոուչ
• Փորձառություն՝ միջմշակութային հարաբերությունների, անհատական բիզնես քոուչինգի և խմբային ֆասիլիտացիայի ոլորտում

Աստղիկը հավատում է շարունակական կրթությանն ու ներքին հավասարակշռությանը։ Կյանքի ուժը և մտքի պարզությունը պահպանելու համար նա զբաղվում է յոգայով և մեդիտացիայով՝ համարելով դրանք կայուն առաջնորդության և անձնական բարեկեցության անբաժանելի բաղադրիչներ։