uFit

«uFit»-ը հատուկ ընտրված հավելվածների հավաքածու է այն օգտատերերի համար, ովքեր հետևում են առողջ կենսակերպին և ցանկանում են պահպանել ֆիզիկական ակտիվությունը։ Բաժանորդագրվելով ծառայությանը՝ Դուք ստանում եք մուտք հարյուրավոր հավելվածների և կարող եք օգտվել ցանկացած պահի։

«uFit»-ը հնարավորություն է տալիս օգտվել առողջ կենսակերպի և ֆիզիկական ակտիվության համար նախատեսված լավագույն հավելվածների կատալոգից՝ ընդամենը 75 դրամ օրական։ Ծառայությունը հասանելի է լրացուցիչ բոնուսներով և առանց գովազդի։

Ծառայությանը միանալու համար այցելեք http://ufit.ucom.am պորտալը, որտեղ կբացվի ծառայության ակտիվացման էջը՝ պայմանների նկարագրությամբ։ Ակտիվացնելու համար սեղմեք «Ակտիվացնել բաժանորդագրությունը», ապա՝ «Հաստատել» և մուտքագրեք Ձեր համարին ուղարկված հաստատման կոդը։

Բաժանորդավճարը գանձվում է Ձեր բջջային հաշվից՝ ընտրված ժամանակահատվածի համար ավտոմատ պահման միջոցով։ Եթե հաշվին բավարար գումար չկա, վճարը չի գանձվի, իսկ ծառայությունը ժամանակավորապես կկասեցվի։ Հավելվածների հասանելիությունը կապված է բաժանորդագրության հետ։

Բաժանորդագրությունը չեղարկելու դեպքում այլևս չեք կարողանա օգտվել դրանցից։ Եթե հեռացնեք «uFit» հավելվածը, ծառայության միջոցով հավելվածներ ներբեռնելու հնարավորությունը հասանելի չի լինի։ Ձեր տվյալները կպահպանվեն 2 ամիս՝ բաժանորդագրության չեղարկման պահից սկսած։ Բաժանորդագրությունը վերականգնելու համար պարզապես կրկին ակտիվացրեք ծառայությունը։

Ակտիվ բաժանորդագրության դեպքում կարող եք ներբեռնել անսահմանափակ քանակությամբ հավելվածներ http://ufit.ucom.am պորտալից։ «uFit»-ից ներբեռնված բոլոր հավելվածների նշանի վրա կա փոքր խորհրդանիշ, որը թույլ է տալիս տարբերել դրանք։

«uFit»-ը պարբերաբար բարելավվում և թարմացվում է։ Յուրաքանչյուր նոր տարբերակի մասին կստանաք ծանուցում։ Թարմացումները հասանելի են «Ծրագրի մասին» բաժնում։

«uFit»-ից հավելվածներ ներբեռնելու և օգտագործելու համար անհրաժեշտ է ակտիվ ինտերնետ կապ։ Եթե ունեք գործող ինտերնետային փաթեթներ, հիմնական մեգաբայթները չեն ծախսվում հավելվածների ներբեռնման ժամանակ։ Ավելի արագ ներբեռնելու համար կարող եք նաև միանալ Wi-Fi ցանցին։

Ucom-ի բաժանորդները կարող են՝

• Օգտվել փորձնական տարբերակից 1 օրվա ընթացքում, որից հետո ծառայությունն ավտոմատ կերպով կերկարաձգվի։ Փորձնական շրջանից հնարավոր է օգտվել միայն 1 անգամ։
• Բաժանորդագրվել օրական տարբերակով, որի դեպքում վճարը կկազմի 75 դրամ/օր (ներառյալ ԱԱՀ)։
• Ծառայությունը հասանելի է 2 լեզուներով՝ հայերեն և ռուսերեն։

Ծառայությունը ապաբաժանորդագրելու համար այցելեք http://ufit.ucom.am կայք, բացեք «Անձնական էջ» բաժինը, ընտրեք «uFit» հավելվածը և սեղմեք «Ապաբաժանորդագրվել» կոճակը, կամ ուղարկեք SMS՝ «STOP» բառով 7787 կարճ համարին։

«uFit»-ում հասանելի բոլոր հավելվածները նախատեսված են բացառապես Android օպերացիոն համակարգով բջջային սարքերի համար։ iOS համակարգով սարքերի համար «uFit» ծառայությունը հասանելի չէ։

Եթե Android հեռախոսով հավելված ներբեռնելիս առաջանա խնդիր, անհրաժեշտ է թույլատրել անհայտ աղբյուրներից հավելվածների տեղադրումը՝ անցնելով Կարգավորումներ → Հավելվածներ → Անհայտ աղբյուրներ և ակտիվացնելով այդ տարբերակը։ Android-ի տարբերակից կախված՝ բաժնի անվանումը կարող է տարբերվել։

«uFit» ծառայության մատուցման պայմաններ