Ունիվերսալ Պլյուս

Ունիվերսալ Պլյուս հետվճարային ծառայության հետ ձեռք բերեք 1 SIM քարտ 2 համարով՝ հայկական և ռուսական*, և ստացեք մի շարք առավելություններ.

2 համար 1 SIM քարտում. հայկական համարը` Հայաստանում օգտագործելու համար, ռուսականը՝ Ռուսաստանում, և առանց ռոմինգի
զանգեր Հայաստանից Ռուսաստանի բոլոր ցանցեր սակագնային պլանում ներառված րոպեներից
մատչելի զանգեր Հայաստանի բոլոր ցանցեր ռուսական համարից՝ Ռուսաստանում գտնվելիս
անվճար մուտքային զանգեր և’ հայկական, և’ ռուսական համարներին թե’ Հայաստանում, թե’ Ռուսաստանում գտնվելիս
ռոմինգ հայկական համարով Հայաստանից և Ռուսաստանից դուրս՝ համաձայն Ucom ռոմինգի սակագների, ինչպես նաև ռոմինգում գտնվելիս մուտքային զանգեր և’ հայկական, և’ ռուսական համարներին
30 ռուբլի նախնական գումար ռուսական համարին՝ Ռուսաստան մուտք գործելիս նախքան հաշվի լիցքավորումը զանգեր կատարելու համար

Ունիվերսալ Պլյուս հետվճարային ծառայության սակագնային պլաններն են.

Ունիվերսալ Պլյուս 2900 Դ 350 րոպե տեղական բոլոր ցանցեր, Արցախ, ԱՄՆ, Կանադա և Ռուսաստան	Ունիվերսալ Պլյուս 5500 Դ 750 րոպե տեղական բոլոր ցանցեր, Արցախ, ԱՄՆ, Կանադա և Ռուսաստան	Ունիվերսալ Պլյուս 8000 Դ 1500 րոպե տեղական բոլոր ցանցեր, Արցախ, ԱՄՆ, Կանադա և Ռուսաստան	Ունիվերսալ Պլյուս 12500 Դ 3000 րոպե տեղական բոլոր ցանցեր, Արցախ, ԱՄՆ, Կանադա և Ռուսաստան
2+1 ԳԲ	5+5 ԳԲ	10+10 ԳԲ	15+15 ԳԲ
350 SMS տեղական բոլոր ցանցեր և Արցախ	750 SMS տեղական բոլոր ցանցեր և Արցախ	1500 SMS տեղական բոլոր ցանցեր և Արցախ	3000 SMS տեղական բոլոր ցանցեր և Արցախ
Անսահմանափակ զանգեր Ucom շարժական ցանցի ներսում ներառված րոպեները սպառելուց հետո
Անվճար uMediaroom
3000 դրամ բացասական հաշվեկշիռ	5000 դրամ բացասական հաշվեկշիռ	10000 դրամ բացասական հաշվեկշիռ	15000 դրամ բացասական հաշվեկշիռ
12 դրամ/րոպե տեղական այլ ցանցեր և Արցախ ներառված րոպեները սպառելուց հետո
15 դրամ/րոպե Ռուսաստան, ԱՄՆ և Կանադա ներառված րոպեները սպառելուց հետո
շարժական ինտերնետ ներառված ՄԲ-երը սպառելուց հետո
5 դրամ/ՄԲ	3 դրամ/ՄԲ	2 դրամ/ՄԲ	1 դրամ/ՄԲ
15 դրամ/SMS SMS տեղական համարներին և Արցախ ներառած SMS-ները սպառելուց հետո
20 դրամ/SMS SMS միջազգային համարներին
Լավագույն սմարթֆոններ հատուկ պայմաններով**

Հայաստանում գտնվելիս Դուք կօգտագործեք Ձեր հայկական համարը Ունիվերսալ Պլյուս hետվճարային սակագնային պլաններից մեկով, իսկ Ռուսաստանում՝ ռուսական համարը Իմ Հայաստան կանխավճարային սակագնային պլանով, և առանց ռոմինգի:

Ռուսաստանում գտվելիս Ձեր հայկական համարին կստանաք անվճար մուտքային զանգեր, եթե այն գտնվում է ակտիվ կարգավիճակում, և ռուսական համարն էլ բաժանորդի ցանկությամբ արգելափակված չէ:

Հայաստանում ռուսական համարը կարող եք լիցքավորել QiWi էլեկտրոնային դրամապանակի միջոցով, ինչպես նաև առցանց, իսկ հայկական համարը՝ առկա վճարման տարբերակներով:

Ռուսաստանում hայկական համարը կարող եք լիցքավորել QiWi տերմինալների և էլեկտրոնային դրամապանակի միջոցով, ինչպես նաև առցանց՝ www.ucom.am կայքի միջոցով՝ ՀՀ-ում թողարկված բանկային քարտերով: Այլ բանկային քարտերով հայկական համարի լիցքավորման տարբերակներին ծանոթանալու համար սեղմեք այստեղ: Ռուսաստանում ռուսական համարը կարող եք լիցքավորել առկա վճարման տարբերակներով:

Պայմանագրի կասեցման, կամ Ունիվերսալ Պլյուս ծառայությունից այլ սակագնային պլանի/բաժանորդագրության տեսակի անցնելու դեպքում, տվյալ առաջարկը կդադարի գործել և Դուք կզրկվեք երկու համար մեկ SIM քարտում ունենալու հնարավորությունից:

Առաջարկից կարող են օգտվել միայն ֆիզիկական անձինք՝ ներկայացնելով և՛ Հայաստանում, և՛ Ռուսաստանում վավեր անձ հաստատող փաստաթուղթ (օրինակ՝ Հայաստանում վավեր ներքին անձնագրով (ID card) հնարավոր չի լինի օգտվել այս առաջարկից, քանի որ այդ փաստաթուղթը վավեր չէ Ռուսաստանում):

Դուք կարող եք կատարել քարտի փոխարինում, համարի փոփոխություն և մի շարք այլ գործարքներ ինչպես Հայաստանում Ucom սպասարկման կենտրոններում, այնպես էլ Ռուսաստանում MTT սպասարկման կենտրոններում: Հայաստանում գործարքներն իրականացվում են Ucom-ի, իսկ Ռուսաստանում՝ MTT-ի ընթացակարգերի համաձայն:

Ռուսաստանում գտնվելիս հարցերի դեպքում կարող եք անվճար զանգահարել Ucom զանգերի սպասարկման կենտրոն 4444 կարճ համարով կամ 00 7 958 555 4444 համարով:

Հայաստանից և Ռուսաստանից դուրս Դուք կօգտվեք ռոմինգից՝ համաձայն Ucom ռոմինգ ծառայության ընթացիկ սակագների և պայմանների: Ավելին, անհրաժեշտություն չկա ակտիվացնել ռոմինգ ծառայությունը, քանի որ այն արդեն լռելյայն ակտիվ է:

Բաժանորդի պահանջով այս առաջարկի շրջանակներում ձեռք բերված քարտի հայկական հեռախոսահամարին իր ռուսական համարից ստացված մուտքային զանգերը վերահասցեավորվում են՝ համաձայն զանգի հետ եկած հրահանգի:

* Ռուսական համարով ծառայությունները մատուցվում են Aiva mobile-ի կողմից:

** Ունիվերսալ Պլյուսի հետ Դուք կունենաք նաև բացառիկ հնարավորություն ընտրելու ﬔր առաջարկած լավագույն սմարթֆոններից որևէ ﬔկը: Հատուկ պայմաններով սմարթֆոններ կարող են ձեռք բերել Ucom-ի այն բաժանորդները, ովքեր կբավարարեն ընկերության կողմից սահմանված վճարունակության չափանիշներին: Բաժանորդագրության 24 ամսվա ընթացքում Ձեր ամսավճարի հետ յուրաքանչյուր աﬕս Դուք կվճարեք նաև ֆիքսված գումար հեռախոսի համար: Գումարի չափը կախված կլինի ընտրված հեռախոսից:

Ձեր սմարթֆոնն ընտրելու և հատուկ պայմաններին ծանոթանալու համար կարող եք այցելել Ucom-ի ցանկացած սպասարկման կենտրոն կամ մեր ինտերնետ խանութ:

Ռուսաստանում բնակվող Ձեր մտերիմները ևս կարող են օգտվել 2 համար 1 SIM քարտում առաջարկից՝ SIM քարտը ձեռք բերելով Ռուսաստանում: Ավելին` http://aiva-mobile.ru/am/tariffs/my-armenia

Հեռախոսահամարի կարգավիճակ

Ունիվերսալ Պլյուս ծառայությունն ակտիվանում է բաժանորդագրման պահից:

Ծառայությունն ակտիվ կլինի մինչև հաջորդ ամսվա 20-ը: Ակտիվ շրջանում կարող եք զանգեր ընդունել և զանգել ցանկացած ուղղությամբ, ուղարկել և ստանալ կարճ և մուլտիմեդիա հաղորդագրություններ, օգտագործել GPRS և այլ ծառայություններ:

Մինչև վճարման օրը (յուրաքանչյուր ամսվա 20-ը) վճարում չկատարելու դեպքում Ձեր ծառայությունն անցնում է պասիվ շրջան: Պասիվ շրջանը տևում է մինչև ընթացիկ ամսվան հաջորդող ամսվա ավարտը: Այս շրջանում Դուք կարող եք միայն ընդունել զանգեր, ստանալ կարճ և մուլտիմեդիա հաղորդագրություններ և կատարել զանգեր միայն առաջին օգնության անվճար համարներին: Ի դեպ, ակտիվ ծառայությունների փաթեթները և ավտոմատ ակտիվացված առաջարկները պահպանվում են նաև պասիվ շրջանում, սակայն Դուք չեք կարող դրանք օգտագործել:

Պասիվ շրջանում ցանկացած պահի կարող եք վերաակտիվացնել բոլոր ծառայությունները` պարզապես վճարելով նախորդ ամիսների պարտքը (բացասական հաշվեկշիռը և չվճարված ամսավճարները): Այնուհետև, Դուք հնարավորություն կունենաք օգտագործել ծառայությունների փաթեթները և ավտոմատ ակտիվացված առաջարկները, եթե դրանց վավերականության ժամկետը չի լրացել:

Եթե մինչև պասիվ շրջանի ավարտը Դուք չեք վճարում գոյացած պարտքերը, ծառայության մատուցումը 1 ամիս ժամկետով կասեցվում է, որի ընթացքում դուք դեռևս ունեք հնարավորություն վերաակտիվացնելու բոլոր ծառայությունները` պարզապես վճարելով չվճարված ամսավճարները, առկա բացասական հաշվեկշիռը, ինչպես նաև ուշ վճարման համար սահմանված տույժերը:

Եթե մինչև ծառայության կասեցման ժամկետը լրանալը պարտքն ամբողջությամբ չմարեք, Ձեր բաժանորդային պայմանագիրը Ucom-ի կողմից կարող է միակողմանի լուծվել առանց Ձեզ լրացուցիչ տեղեկացնելու: Այս դեպքում Ձեր հեռախոսահամարը կհատկացվի այլ բաժանորդի: Այդ դեպքում ծառայության ակտիվացումը կատարվում է ընդհանուր հիմունքներով:
Վճարման պայմաններ

Ունիվերսալ Պլյուս hետվճարային ծառայության հետ Դուք միշտ վճարում եք ծառայություններից օգտվելուց հետո: Յուրաքանչյուր ամիս Դուք վճարում եք Ձեր սակագնային պլանին համապատասխան ամսավճար և նախորդ ամսվա ընթացքում հավելյալ օգտագործած ծառայությունների գումարը, անկախ Ձեր գտնվելու վայրից (թե Հայաստանում, թե Ռուսաստանում, թե ռոմինգում գտնվելիս):

Ամսավճարում ներառված րոպեները, ՄԲ-երը կամ SMS-ները Ձեր հաշվին փոխանցվում են յուրաքանչյուր ամսվա 1-ից, որի համար պետք է վճարեք մինչև հաջորդ ամսվա 20-ը:

Տվյալ ամսվա ընթացքում չօգտագործված ներառված րոպեները, SMS-ները և ՄԲ-երը, հաջորդ ամիս չեն փոխանցվում:

Ինտերնետի տարածումը և դրա օգտագործումն այլ սարքավորումներից (Tethering) կարող է սահմանափակվել:

Եթե ամսվա ընթացքում օգտագործում եք Ucom-ի այլ ծառայություններ կամ ավելին քան Ձեր ամսական ներառումները, ապա գանձումը կատարվում է Ձեր հաշվեկշռից: Բացասական հաշվեկշռի չափը սահմանվում է համաձայն Ձեր ընտրած սակագնային պլանի. որքան մեծ է սակագնային պլանի ամսավճարը, այնքան մեծ է բացասական հաշվեկշռի չափը: Եթե սակագնային պլանով նախատեսված բացասական հաշվեկշիռը Ձեզ չի բավարարում, 3 ամիս Ucom-ի բաժանորդ լինելուց հետո կարող եք դիմել այն վերանայելու համար` լրացնելով համապատասխան դիմում Ucom-ի ցանկացած սպասարկման սրահում: Ucom -ն իրավունք ունի մերժելու Ձեր բացասական հաշվեկշռի վերանայման պահանջը` իր ողջամիտ հայեցողությամբ, եթե Դուք չեք բավարարում Ucom -ի կողմից սահմանված վճարունակության պահանջներին:

Բացասական հաշվեկշռի սահմանաչափը գերազանցելու դեպքում հնարավոր կլինի օգտվել միայն Ձեր սակագնային պլանում ներառված շարժական ինտերնետից և SMS-ներից: Մնացած ծառայություններից կամ ամսական ներառումներից (այդ թվում՝ Ձեր սակագնային պլանում ներառված և չօգտագործված րոպեներից) օգտվելու համար անհրաժեշտ կլինի մարել ամսավճարի պարտքը, եթե առկա է, և վերալիցքավորել հաշիվը:

Որպես Ucom Ամսական բաժանորդագրությունից օգտվող բաժանորդ, Դուք կարող եք իրականացնել չընդհատվող սեսիա(ներ) (զանգ, SMS, GPRS): Ձեզ անհարմարություն չպատճառելու նկատառումով, անգամ եթե նման սեսիայի ժամանակ սպառել եք գումարային սահմանաչափը, Ucom-ը չի ընդհատի Ձեզ մատուցվող ծառայությունը, և գումարային սահմանաչափը գերազանցող պարտքի համար գանձումը կիրականացվի ավելի ուշ Ձեր հաշվից: Նկատի ունեցեք, որ Դուք պատասխանատվություն եք կրում առաջացած բոլոր պարտքերի վճարման համար:

Սակագնային պլանի փոփոխություն կատարելու Ձեր հնարավորությունը կարող է սահմանափակվել, եթե այն կրում է հաճախակի բնույթ և հանգեցնում է մատուցվող ծառայություններից օգտվելու չարաշահումների:
Ավելին
Ունիվերսալ Պլյուս-ի հետ Դուք կունենաք նաև բացառիկ հնարավորություն ընտրելու մեր առաջարկած լավագույն սմարթֆոններից որևէ մեկը վարձակալության և տարաժամկետ վճարման պայմանով` 24 ամսով բաժանորդագրվելով:

Առաջարկից չեն կարող օգտվել

Այն բաժանորդները, ովքեր չեն բավարարում Ucom-ի սահմանած վճարունակության պահանջներին: Ձեզնից կարող են պահանջվել ներկայացնել Ձեր վճարունակությունը հիմնավորող տեղեկություններ և փաստաթղթեր (տեղեկանք աշխատանքի վայրից և այլն) օպտիմալացնելու համար բացառիկ պայմաններով հեռախոսի ձեռքբերումը:

Վճարունակության պահանջներ

Հատուկ պայմաններով հեռախոսները Ձեզ տրամադրելու նպատակով Ucom-ն իրավունք ունի ստուգելու Ձեր կողմից տրամադրվող տեղեկությունները` օրենքով չարգելված ցանկացած եղանակով: Ucom-ն իրավունք ունի Ձեր վճարունակության գնահատման նպատակով հարցումներ կատարել ՀՀ-ում գործող վարկային բյուրոներից և ստանալ Ձեր վերաբերյալ վարկային տեղեկատվություն` պահպանելով օրենքի պահանջները:

Ucom-ն իրավունք ունի մերժել Ձեզ բացառիկ գնով հեռախոսների տրամադրումը նույնիսկ պահանջվող փաստաթղթերը Ձեր կողմից ներկայացնելու դեպքում, եթե կարծում է, որ Դուք չեք բավարարում իր սահմանած վճարունակության պահանջներին:

Նույն անձը կարող է ձեռք բերել 12 կամ 24 ամիս բաժանորդ մնալու պարտավորությամբ միայն 1 հեռախոս: Եթե բաժանորդն ունի հեռախոսի մասով 12 կամ 24 ամիս բաժանորդ մնալու ընթացիկ պարտավորություն, երկրորդ հեռախոսը չի տրամադրվի:

Բաժանորդը պետք է լինի 23-63 տարեկան ՀՀ տարածքում մշտական հաշվառում ունեցող ՀՀ քաղաքացի և բաժանորդագրվելու ժամանակ ներկայացնի իր անձը հաստատող փաստաթուղթը և սոցիալական քարտը:

Առաջարկից օգտվելու համար կարող է պահանջվել նաև այլ անձի երաշխավորություն: Երաշխավորող անձը պետք է լինի 27 -63 տարեկան, ՀՀ տարածքում մշտական հաշվառում ունեցող ՀՀ քաղաքացի: Նույն անձը կարող է երաշխավոր լինել միայն մեկ անգամ: Դելֆին,Պանտերա, Թիթեռ բաժանորդները, ովքեր ձեռք են բերել հեռախոս 12 կամ 24 ամիս բաժանորդ մնալու պարտավորությամբ, և այդ ժամկետը դեռևս չի ավարտվել, չեն կարող լինել երաշխավորող այլ անձի համար:

Բացառիկ գնով հեռախոսների առաջարկից օգտվելիս Ucom-ի նկատմամբ ստանձնած պարտավորությունների չկատարման մասին տեղեկությունները ՀՀ օրենսդրությանը համապատասխան կարող են տրամադրվել ՀՀ-ում գործող վարկային բյուրոներին` օրենքով սահմանված նպատակով օգտագործման համար:

Մինչև պարտավորության ավարտը պայմանագիրը լուծելու և հեռախոսը սահմանված կարգով չվերադարձնելու կամ Ձեզ վաճառվելու դեպքում, Դուք պարտավորվում եք վճարել հեռախոսի գնի մնացորդային արժեքը, ինչպես նաև տուգանք՝ 10 000 կամ 20 000 դրամի չափով, կախված ձեռք բերված հեռախոսի արժեքից: Տուգանքը չի գանձվի այն դեպքում, եթե պայմանագիրը լուծելու պահին Դուք միևնույն հեռախոսահամարով վերակնքեք պայմանագիր՝ ձեռք բերելով հեռախոս սույն առաջարկի շրջանակներում, կամ միանաք հետևյալ առաջարկներից մեկին.
- Հեղափոխական առաջարկ
- Հեռախոս հատուկ ֆինանսավորման հնարավորության պայմաններով
(0% կանխավճար, 0% տոկոսադրույք, 0% սպասարկման վճար, 24 ամիս):

Բարի գալուստ Ucom առցանց օգնություն: