Ucom ընկերության շարժական կապի բաժանորդներն Արցախում կօգտվեն մշտապես կապի մեջ մնալու հնարավորությունից ռոմինգի ևս մեկ անգամ նվազեցված սակագներով։ 2020թ․ հուլիսի 1-ից Արցախում գտնվելիս Ucom ընկերության շարժական կապի ձայնային ծառայության բաժանորդները կվայելեն ռոմինգի հետևյալ նվազեցված սակագները․ դեպի Հայաստան և տեղական զանգերի համար կգործի 28 ՀՀ դրամ/րոպե սակագինը, մուտքային զանգերի համար՝ 14 ՀՀ դրամ/րոպե, իսկ ինտերնետի համար կգործի 17 ՀՀ դրամ/ՄԲ սակագինը։ 

«Արցախում ռոմինգի սակագների վերանայումը շարունակական գործընթաց է, որը մեկնարկել է դեռևս նախորդ տարի։ ՀՀ ՀԾԿՀ-ի,  ԱՀ ՀԾՏՄԿՊՀ-ի, «Ղարաբաղ Տելեկոմ» ՓԲԸ-ի և Հայաստանում գործող շարժական կապի 3 օպերատորների հետ ձեռք բերված պայմանավորվածության համաձայն Ucom-ը և գործընկեր օպերատորները փուլ առ փուլ նվազեցնում են Արցախում ռոմինգի սակագները՝ ըստ համաձայնեցված ժամանակացուցի», - նշել է Ucom ընկերության գլխավոր տնօրեն Արա Սերգեյի Խաչատրյանը։ 

Հավելենք, որ Ucom ընկերությունը վերահաստատում է պատրաստակամությունը աջակցել Արցախում սակագնային կարգավորման հիմնական սկզբունքներն ու մոտեցումները սահմանելու գործընթացին։ Ucom ընկերությունը կգործադրի բոլոր անհրաժեշտ ջանքերը, որոնք ուղղված կլինեն ռոմինգի սակագների հետագա նվազեցման նպատակով՝ համապատասխան իրավական կարգավորումներում փոփոխություններ կատարելուն։