Սույնով տեղեկացնում ենք, որ «ՅՈՒՔՈՄ» սահմանափակ պատասխանատվությամբ ընկերության մասնակիցների ընդհանուր ժողովը 27.11.2019թ.-ին որոշում է կայացրել  ընկերությունը «ՅՈՒՔՈՄ» փակ բաժնետիրական ընկերության վերակազմավորելու մասին: Նշված որոշման ընդունման անհրաժեշտությունը պայմանավորված է ընկերությունում միջազգայնորեն ընդունված արդյունավետ գործող կորպորատիվ կառավարման համակարգի ներդրման և համապատասխան սկզբունքների կիրառման ապահովման նպատակահարմարությամբ: Կորպորատիվ կառավարման նոր համակարգի ներդրումն ընկերությունում թույլ կտա առավել արդյունավետ իրականացնել ընկերության կառավարումը, ինչն իր հերթին, անկասկած, իր ազդեցությունը կունենա ընկերության տնտեսական ցուցանիշների վրա:

Գործող օրենսդրության, ինչպես նաև փոխանցման ակտի համաձայն` «ՅՈՒՔՈՄ» սահմանափակ պատասխանատվությամբ ընկերության իրավահաջորդ է հանդիսանալու «ՅՈՒՔՈՄ» փակ բաժնետիրական ընկերությունը, որին փոխանցվելու են ընկերության գույքը, այլ գույքային իրավունքները և պարտավորությունները: