Mediaroom Ucom LLC
My Ucom Ucom LLC
U!Pay Ucom LLC
Ucom-ը հետեվում է տեխնոլոգիական կրթության ընթացքին Գեղարքունիքի «Արմաթ» ինժեներական լաբորատորիաներում

Ucom-ը հետեվում է տեխնոլոգիական կրթության ընթացքին Գեղարքունիքի «Արմաթ» ինժեներական լաբորատորիաներում

02/11/2016

Օրերս Ծովագյուղի Մուրացանի անվան միջնակարգ դպրոցի և Սևանի Խաչատուր Աբովյանի անվան ավագ դպրոցի «Արմաթ» ինժեներական խմբակ-լաբորատորիաների սաները հյուրընկալել էին նախագծի պատասխանատուներին Ucom ընկերությունից և Ինֆորմացիոն տեխնոլոգիաների ձեռնարկությունների միությունից (ԻՏՁՄ):    

Շրջայցի ժամանակ «Արմաթի» սաները ցուցադրել են այն ամենն, ինչ սովորել են մոտ մեկ տարվա ընթացքում: Երեխաները հմտացել են «Աղվես» և «Կրիա» ծրագրերի օգնությամբ խաղեր ստեղծելու, մուլտֆիլմեր պատրաստելու, մաթեմատիկական հաշվարկներ իրականացնելու մեջ: Նրանցից ոմանք մասնակցել են նաև Դիջիթեք Էքսպոյի շրջանակներում անցկացվող ջրային սարքերի ցուցադրությանը, որտեղ ներկայացրել են իրենց իսկ ձեռքով պատրաստված նավը:

«Մասնակցել ենք «Բաց խաղ» առաջնությանը և հասել ենք երրորդ փուլ», - նշում է «Արմաթ» ինժեներական լաբորատորիաներից մեկի սան Խաչիկ Առաքելյանը:

«Շրջայցի ընթացքում պարզ երևաց Ucom ընկերության ներդրումների արդյունքը կրթության ոլորտում: Ամենահզոր ուժը մեր հայրենիքի ապագա ինժեներն է, շինարարը, բժիշկը, կամ ցանկացած այլ մասնագետ, ով կրթված է ու իր գիտելիքները ծառայեցնում է հանուն սեփական երկրի բարօրության», - ասել է Ucom ընկերության բրենդի զարգացման և հաղորդակցության բաժնի ղեկավար Աշոտ Բարսեղյանը:

Հիշեցնենք, որ ԻՏՁՄ-ի և Ucom ընկերության միջև ստորագրված համագործակցության հուշագրի համաձայն՝ Ucom ընկերությունը  ներդրումներ է կատարում, որպեսզի Հայաստանի 9 մարզերում բացվեն «Արմաթ» անվանումը կրող  շուրջ 70 ինժեներական խմբակ-լաբորատորիաներ։ Նախագիծը նպատակ ունի խթանելու տեխնոլոգիական կրթությունը Հայաստանի համայնքների բոլոր դպրոցներում, նպաստելու աշակերտների մոտ ժամանակակից բարձր տեխնոլոգիաների նկատմամբ հետաքրքրության առաջացմանը, վաղ տարիքից ճարտարագիտական մտածելակերպի զարգացմանը և բանիմաց ուսանողների նախապատրաստմանը։

 «Արմաթ» ինժեներական խմբակ-լաբորատորիաներում մշակված ծրագրային փաթեթները, ինչպես նաև սարքավորումների գծագրերը բաց են հանրության համար։ Խմբակ-լաբորատորիաների համար ծրագրային միջոցներ ձեռք բերելիս նախապատվություն է տրվում տեղական արտադրողին, ինչի վառ օրինակ են հանդիսանում Հայաստանում արտադրված բարձրակարգ եռաչափ (3D) տպիչները, մինի համակարգիչները, ռոբոտաշինության հավաքածուները և այլ սարքերը։

Բարի գալուստ Ucom առցանց օգնություն:

Մուտքագրեք Ձեր տվյալներն, ընտրեք զրույցի թեման և մենք կփորձենք օգնել Ձեզ: