Mediaroom Ucom LLC
My Ucom Ucom LLC
U!Pay Ucom LLC
ՀՀ հեռավոր, սահմանամերձ, բարձրլեռնային, լեռնային գյուղերում ապրող մարդիկ անհատույց հիմունքներով կօգտվեն ինտերնետից

ՀՀ հեռավոր, սահմանամերձ, բարձրլեռնային, լեռնային գյուղերում ապրող մարդիկ անհատույց հիմունքներով կօգտվեն ինտերնետից

29/06/2016

Ս.թ. հունիսի 29-ին ՀՀ էկոնոմիկայի նախարարությունում տեղի է ունենալու փոխըմբռնման հուշագրի ստորագրում ՀՀ էկոնոմիկայի, ՀՀ տարածքային կառավարման և զարգացման նախարարությունների, «Յուքոմ» ընկերության և «Ձեռնարկությունների ինկուբատոր» հիմնադրամի միջև:

Հայաստանի Հանրապետության և Վերակառուցման և զարգացման միջազգային բանկի միջև ստորագրված «Էլեկտրոնային հասարակության և մրցունակության համար նորարարության» ծրագրի շրջանակում 2014 թվականին ՀՀ հեռավոր, սահմանամերձ, բարձր լեռնային, լեռնային, մինչև 1000 բնակիչ ունեցող 344 գյուղական բնակավայրերում տեղադրվել են ինտերնետ հասանելիության անլար (Wi-Fi երթուղիչ) սարքեր, և 1 տարի նշված գյուղերի բնակիչներին տրամադրվել է անվճար ինտերնետ: Ծրագրի իրականացման արդյունքում նշված վայրերում արձանագրվել է ինտերնետի օգտագործողների թվաքանակի աննախադեպ աճ: Բազմաթիվ են եղել դրական արձագանքները թե´ երիտասարդների, թե´ մեծահասակների կողմից, ինչն ավելի է խրախուսում Ծրագրի շարունակականության ապահովումը:  

Ծրագիրն իրականացվել է ՀՀ կառավարության՝ ի դեմս ՀՀ էկոնոմիկայի նախարարության ու ՀՀ տարածքային կառավարման և զարգացման նախարարության աջակցությամբ և «Ձեռնարկությունների ինկուբատոր» հիմնադրամի համակարգմամբ:

Կարևորելով Հայաստանում տեղեկատվական հասարակության կայացումը, ինտերնետային հասանելիության ընդլայնումը ՀՀ տարածքում և հատկապես հանրապետության հեռավոր, սահմանամերձ, բարձրլեռնային, լեռնային գյուղերում, ինչպես նաև նշված գյուղերի բնակչությանն առաջիկայում ևս անվճար հիմունքներով ինտերնետից օգտվելու հնարավորության ընձեռումը` «Յուքոմ» ընկերությունը պատրաստակամություն է հայտնել հովանավորչական հիմունքներով Ծրագրում ներառված և ընկերության 3G ծածկույթում գտնվող գյուղական համայնքներում անլար երթուղիչ սարքերի միջոցով անհատույց հիմունքներով շարունակել ապահովել ինտերնետի տրամադրումը:

ՀՀ էկոնոմիկայի նախարարությունը, ՀՀ տարածքային կառավարման և զարգացման նախարարությունը և «Ձեռնարկությունների ինկուբատոր» հիմնադրամն իրենց հերթին պատրաստ են ջանքեր ներդնել` «Յուքոմ»-ի կողմից Ծրագրի շրջանակում իրականացվող հովանավորչական գործունեության մասին տարբեր հնարավոր հարթակներում հանրային իրազեկում իրականացնելու ուղղությամբ:

Բարի գալուստ Ucom առցանց օգնություն:

Մուտքագրեք Ձեր տվյալներն, ընտրեք զրույցի թեման և մենք կփորձենք օգնել Ձեզ: